Di dema akerdişê goristanê mêtingerîyê gerîlayê HPGî wina vat: “Serrgêraya serehewanayişê Agirî yo û no demî rojnameyê tirk vat bike; ma kurdan qedînayê û ma kurdan ronayê goristanê. Ma bi sembolî no goristanê mêtingerîyê viraştî û wateya zaf muhîm o.”
Di mîyanê serrê 1926 û 1930’ê şarê Agirîyê verba zilm û tadeyî ya dewleta tirk serehewanaybi la belê dewleta tirk bi çekê kîmyewî de bi hezaran kesî qetilkerbî. Seba nê şehîdê serehewanayişê Agirîyê vîrardişê partîyê sîyasî, sazîyê sîvîl û bi hezaran kesî Bazida Agirîyê kinarê Koyê Agirîyê Şenikî de merasîm viraştî. Merasîmî ra Wekîlê HDPa Bedlîsî Husamettîn Zenderlîoglu û di zaf hûmarîy de kesî beşdar bîyê.
Di merasîmî de beşdarwanê wêneyê şehîdê serehewanayişê Agirîyê Îhsan Nurî Paşa, Rayverê Şarê Kurd Abdullah Ocalan û beyraqê PKKî akerdî. Hewna beşdarwanê pankarta akerdî û di pankartî de vatişê Îhsan Nurî Paşayê: “Eke ez bimro se zî do mîyanê kurdan de bi hezaran Îhsan bivejî û verba nê mêtingeran têkoşîn bidomnê.” Û vatişê Rayverê Şarê Kurd Abdullah Ocalan: “Serhad dîroka qehremanê bênameyê yo.” akerdî.
MÊTINGERÎ MAXLÛP
BI Hewna beşdarwanê verba vatişê rojnameyê Cumhurîyetî di dema serehewanayişê Agirîyê ‘Kurdistan di noca yê de medfûn o’ goristanê ‘mêtingerî di noca yê de medfûn o’ bi beşdarê gerîlayan akerdî. Di dema akerdişê gerîlayê HPGî vat ke ewro roja ke zaf muhîm o, çimkî şarê kurd keyfweşî û dejî eynî rojê de cuyena û wina vat: “Serrgêraya serehewanayişê Agirî yo û no demî rojnameyê tirk vat bike; ma kurdan qedînayê û ma kurdan ronayê goristanê, nika ra pey do kurdan nêşkî serehewa bidê. Ma bi sembolî no goristanê mêtingerîyê viraştî û wateya zaf muhîm o. Ewro di Kurdistanê de mêtingeran maxlûp bîyê.”
PERGALA ÎMRALÎYÊ
HPGij destnîşan kerd ke çi heyfo ke hema zî Rayver Apo di Îmralîyê de binê îşkenceyî de yo û wina qedîna: “No ser zî hema zî wezîfeyê ma nêqedîyayo. Wa ma hîna wezîfeyê xo û têkoşîna xo hîna berz bikerê. Heme şarê bindestî ganî bi gerîlayê PKKî têkoşînê xo berz bikerê. Ma şehîdê xo ra soz dayê.”
BI GONÎ ŞEHÎDAN
Peynîya akerdişê goristanê heme beşdarwanê seba şehîdê Kurdistanê rêz girewtî. Di merasîmî de ser serehewanayişê Agirî qise ame kerdiş. Hazan Tunç vat ke ewro kurdan seba dozê xo amey yew ca û wina vat: “Di dema Bîroye Hesêkîyê de serehewanayişê Agirîyê destpê kerdbi la serfiraz nêbî. Bi îznê Homayî û têkoşînê gerîlayê reyde ma serfiraz bibê.
Nê hemê koyan ra gonî kurdan hêrikyaya û heme gulan zî bi nê gonî pîl bîyê. Ma dema Bîroye Hesêkîyê de seba îxanetî kurdan vînkerdbi la wa ma nê îxanetî ra fek verba bidê û seba serfirazê kurdan ser xebat bikerê.” Wekîlê HDPa Bedlîsî Husamettîn Zenderlîoglu aşkera kerd ke kesêkê vat bi guya înan Kurdistanê noca ra defîn kerdî la nika bi sayeya Rayver Apo û gerîlayê PKKî nê goristan rijya û wina domna: “Ma noca ra veng danê; nika ra pey kurdan xo ra hîşyar bîyê, no ser zî têkoşîn medê.
Nika ra pey qet çew nêşkeno azadîya kurdan asteng bibo. Ma têkoşîna kurdan Kobanê û Serekanîyê de bi weş veynenê.” Peynîya qiseyan hunermend Heme Heci bi tulumê xo beşdarwanan ra deyran vat.
Serfirazîya kurdan ra Rojawan finak o
GERÎLAYA HPGÎ aşkera kerd ke nika ewro kurdan bi Rayver Apo û PKK reyde verba mêtingerî serfiraz î û wina domna: “Ma mêtingerî ra peyam eşrawenê û vanê ke mêtingerî di noca yê de medfûn o. Ma planeke wazîyaynê ser Kurdistan bêro kaykerdiş ma xirap kerd, kurdan bi têkoşînê xobixo heme dinyayê ra mojnayê. Rojawan ewro serfirazîya şarê kurd ra yew sembol o. Şengal û Maxmûrî zî finaka no rewşî mojnenê.”
HPGij wina vat: “Nika ra pey mêtingeran nêşkenî di Kurdistanî de serfiraz bibê. Hema di zerrîyê ma de yew birîndarê est o, no ser zî hema zî wezîfeyê ma nêqedîyayo. Ma nika ra pey têkoşînê xo hîna berz bikerê. Şar û gerîlayê PKKî pîya têkoşîn bidê ke serfiraz bibê. Ma Rayver Apo, şehîdê xo û şarê kurd ra soz dayê û ma di rayîrê înan de bimeşî.”
AGIRÎ – DÎHA
Hiç yorum yok:
Yorum Gönder